Data:
2022 - 2024
Lugar:
A Ramallosa. Teo. A Coruña
Promotor:
Concello de Teo
Autoría:
Manuel Borobio. Redacción do Plan Especial de Infraestruturas e Dotacións
César Arquero. Elaboración do Documento Ambiental.
Función:
Elaboración do documento para a tramitación urbanística do Plan Especial SXS1 para uso dotacional.
Justificación da conveniencia e oportunidade do plan
O PEID ten por obxecto a ordenación detallada da zona sinalada para destinala á implantación dun establecemento sanitario destinado a Centro de Saúde. O documento do PGOM aprobado contemplaba a dotación SX-S1 como equipamento sanitario en solo rústico R1.
Para levar a cabo o desenvolvemento da instalación elaborouse un convenio de colaboración entre o Servizo Galego de Saúde e o Concello de Teo para a execución das obras de construción dun novo Centro de Saúde no Concello de Teo.
Este convenio asinouse en Santiago de Compostela o 5 de decembro de 2022 entre ambas as institucións. Establece que o Concello de Teo se compromete a realizar todas as xestións patrimoniais e urbanísticas que sexan necesarias para posibilitar a cesión patrimonial ao Servizo Galego de Saúde da parcela obxecto deste plan, libre de cargas e gravames, comprometéndose a redactar e aprobar o plan especial de dotación de infraestruturas e a obter os permisos e autorizacións que sexan necesarios para a realización das obras de construción do novo centro. Construción que levaría a cabo o Servizo Galego de Saúde, encargado do mantemento das zonas libres e urbanización do Concello. As previsións de superficie facilitadas polo PGOM foron superadas polas necesidades do programa do citado centro. É por iso que o Concello levou a cabo a obtención de máis superficie de terreo coa reordenación parcelaria que se achega á memoria informativa deste plan.
Obxectivos e Criterios de ordenación
Asumindo a natureza do instrumento e a actividade que se vai realizar, estudouse a paisaxe cun criterio de proporcionalidade, axustando o seu alcance á natureza e ao impacto potencial, propoñendo os elementos urbanísticos e desenvolvendo a proposta segundo estes principios.
A paisaxe actual do enclave caracterízase polas plantacións forestais, a proximidade do núcleo da Ramallosa e a súa posición a carón da estrada. Non se detectaron camiños nin miradoiros na zona próxima. Analizouse a paisaxe en varios puntos deste proxecto e non se detectaron elementos de impacto salientables.
Identificáronse as unidades paisaxísticas do ámbito do proxecto e estudouse a visibilidade do plano desde o punto de vista máis desfavorable posible, sobre todos os elementos citados nos documentos paisaxísticos, prestando especial atención á directriz de paisaxe DX.05. . (N) O planeamento urbanístico proposto especifícase nun artigo que responde aos seguintes criterios xerais:
- O planeamento debe ser congruente coas características diferenciais de cada tipo de paisaxe. Isto implica que se debe ter especial coidado na forma en que se resolve a singularidade dunha instalación como é o centro de saúde, que debe ser claramente identificable polos cidadáns que demandan os seus servizos.
- Os artigos establecen as medidas necesarias para garantir a protección do medio ambiente dos fitos paisaxísticos e das vistas panorámicas.
- As determinacións prevén as medidas necesarias para mellorar as zonas paisaxísticas degradadas e eliminar ou mitigar os impactos paisaxísticos. Derivado da transformación desta zona.
- Especificáronse as condicións relativas á posición, forma ou deseño das construcións de forma coherente coas características dos elementos compositivos da paisaxe.
- O planeamento ten unha estrutura compacta e favorece a conectividade dos espazos verdes das zonas adxacentes. Promover a integración co medio desde as zonas verdes que se deben resolver tanto na zona limítrofe coa DP-0205 como na SUND13. Os edificios tamén están limitados en altura.
Documentación do Plan
- Documento do procedemento ambiental da Xunta. O valor engadido destas ligazóns é que a documentación foi organizada e estruturada para un mellor e máis sinxelo manexo.